Ламинација и боење на веѓи и трепки

Обуката за ламинација и боење на веѓи и трепки е наменета за почетници, како и за лица кои сакаат да ги надградат своите знаења и практични вештини во областа на професионалната нега и обликување на веѓите и трепките. Програмата комбинира теоретска настава, демонстрација од едукатор и практична работа на модел. Учесниците ќе се запознаат со правилната подготовка на клиентот, изборот и примената на соодветните препарати, техниките за ламинација и боење, како и со професионалните стандарди за хигиена и безбедна работа. Преку практична настава, учесниците ќе ги совладаат основните техники за постигнување уредни, дефинирани и природно обликувани веѓи и подигнати, нагласени трепки. Посебно внимание се посветува на правилниот избор на производи, индивидуалниот пристап кон клиентот и препораките за нега по третманот. По завршувањето на обуката, учесниците ќе стекнат основни теоретски знаења и практични вештини за изведување на третманите за ламинација и боење на веѓи и трепки. Програма вклучува Основи на структурата и растот на веѓите и трепките Хигиена, подготовка на клиент и безбедност при работа Ламинација на веѓи Обликување и боење на веѓи Ламинација и боење на трепки Практична работа на модел Посттретманска нега и препораки за клиенти Евалуација на стекнатите знаења и вештини