Обука за апартани третмани на тело - радиофреквенција, кавитација и липоласер

Обуката за апаратни третмани на тело е наменета за почетници и за лица кои сакаат да ги надградат своите знаења и практични вештини во областа на естетските третмани на тело. Програмата комбинира теоретска настава, демонстрација од едукатор и практична работа со апарати. Учесниците ќе се запознаат со принципите на работа, намената и правилната примена на радиофреквенцијата (RF), ултразвучната кавитација и липоласерот, како и со подготовката на клиентот, изборот на соодветни параметри и безбедносните протоколи. Посебен акцент се става на правилното ракување со апаратите, препознавањето индикации и контраиндикации, индивидуалниот пристап кон клиентот и следењето на резултатите од третманите. По завршувањето на обуката, учесниците ќе стекнат основни теоретски знаења и практични вештини за примена на трите технологии, согласно упатствата на производителите и безбедносните стандарди. Програма Основи на апаратните третмани на тело Хигиена, подготовка на клиент и безбедност при работа Радиофреквенција (RF) – третмани на тело Ултразвучна кавитација – третмани на тело Липоласер – третмани на тело Комбинирање на апаратни третмани Практична работа со апарати Посттретманска нега и евалуација